پاکستان میں شیعہ سنی مسئلہ نہیں اسے مسلکی رنگ دینا حقیقت سے عاری ہے

رسا نیوز ایجنسی کی رپورٹ کے مطابق، قائد ملت جعفریہ پاکستان حجت الاسلام والمسلمین سید ساجد علی نقوی نے جعفریہ اسٹوڈنٹس آرگنائزیشن کے زیراہتمام کوٹلی امام حسین (ع) ڈی آئی خان پاکستان میں عظمت شہداء کانفرنس سے خطاب کرتے ہوئے حکومت پاکستان سے قاتلوں کو فی الفور گرفتار کئے جانے کا مطالبہ کیا ۔
 

انہوں نے یہ کہتے ہوئے کہ ملک بھر میں قانون کی حکمرانی کہیں بھی دکھائی نہیں دیتی، پاکستان کو اس کے آئین جوڑے ہوئے ہے کہا: قانون کی حکمرانی ہی استحکام و امن کی ضامن ہے ۔
 

قائد ملت جعفریہ پاکستان نے اس بات کی جانب اشارہ کرتے ہوئے کہ خیبر پختونخوا میں ایک عرصے سے تسلسل کے ساتھ اہل تشیع کی ٹارگٹ کلنگ جاری ہے، حکومت کی ذمہ داری ہے کہ وہ قاتلوں، دہشت گردوں، سہولت کاروں کو کیفر کردار تک پہنچائے، مگر قاتلوں کو سزا کی جانب لے جانے کا عمل سرے سے شروع ہی نہیں ہوا تاکید کی: امن و امان کی صورتحال اور انتظامیہ، پولیس و حکومت کے رویہ پر ہماری گہری نظر ہے، حکومت کے تمام تر وسائل و نظام کے باوجود شہداء کے قاتل تاحال گرفتار نہیں ہوئے، اگر حکومت شہداء کے قاتلوں کو گرفتار کرنے کی اپنی ذمہ داری ادا نہیں کرسکتی تو تسلیم کرے، ہمارے پاس دیگر ذرائع بھی موجود ہیں۔ گرچہ ہم قانون کی حکمرانی پر یقین رکھتے ہیں، تاہم جو لوگ ان ذرائع کو درست سمجھتے ہیں وہ اس پر عمل کریں ۔