امریکہ اور اس کے اتحادیوں سے ملکر ایران کا مقابلہ مل کر کریں گے

رسا نیوز ایجنسی کی رپورٹ کے مطابق مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ اسرائیلی وزیر اعظم نیتن یاہو نے کہا ہے کہ یہودیوں کا امریکی صدرٹرمپ سے بڑھ کرکوئی خیرخواہ نہیں، امریکہ اور اس کے اتحادیوں سے ملکر ایران کا مقابلہ مل کر کریں گے۔

اسرائیلی وزیر اعظم نیتن یاہو نے امریکی صدر ڈونلڈ ٹرمپ کے ساتھ مشترکہ پریس کانفرنس سے خطاب کرتے ہوئے کہا ہے کہ یہودیوں اور یہودی ریاست کا صدرٹرمپ سے بڑھ کرکوئی خیرخواہ نہیں، فلسطینی اسرائیل کوتوڑنے کی باتیں بند کر کے اسرائیل کو تسلیم کریں۔

نیتن یاہو نے کہا ہے کہ ایران جوہری معاہدے پر امریکی صدرکے چیلنج کا خیرمقدم کرتے ہیں، ہم امریکہ اور اس کے عرب اتحادیوں سے مل کر ایران کا مقابلہ کریں گے۔

نیتن یاہو نے کہا ہے کہ یہودی آبادکاری تنازعات بڑھانے کاسبب نہیں ہے، فلسطینیوں کایہودی ریاست تسلیم نہ کرنا،امن نہ ہونےکی وجہ ہے،فلسطینیوں کویہودی ریاست کوتسلیم کرناہوگا، فلسطین سے امن معاہدے میں عرب ممالک کوبھی شامل کرنا چاہتے ہیں۔/۹۸۹/ف۹۴۰/