محنت کش پاکستانیوں کو تنخواہ کے بدلے سعودی عرب کا جیل نصیب

رسا نیوز ایجنسی کی رپورٹ كے مطابق سو سے نھی زیادہ پاکستانی محنت کشوں نے حکومت اسلام آباد سے مطالبہ کیا ہے کہ وہ سعودی عرب کے جیلوں میں بند پاکستانی قیدیوں کی رہائی کے لئے اقدامات کرے۔

پاکستانی محنت کشوں نے سعودی عرب سے لاہور ایئرپورٹ پہنچنے پر بتایا کہ اس وقت ہزاروں پاکستانی شہری سعودی جیلوں میں غیرقانونی طور پر قید ہیں۔

اس رپورٹ کے مطابق پاکستانی محنت کشوں کا کہنا تھا کہ انھیں اپنی تنخواہیں مانگنے پر جیلوں میں بند کر دیا جاتا ہے۔

یہ ایسی حالت میں ہے کہ ہزاروں پاکستانی محنت کش، تنخواہیں نہ ملنے کے باعث سعودی عرب ترک کر چکے ہیں۔

واضح رہے کہ سعودی عرب میں پچیس لاکھ پاکستانی شہری زندگی بسر کرتے ہیں۔ بعض باخبر ذرائع نے بتایا ہے کہ سعودی عرب میں ساڑھے چھے ہزار پاکستانیوں کو کئی مہینوں سے تنخواہیں نہیں ملی ہیں۔/۹۸۹/ف۹۴۰/