رسا نیوز ایجنسی کی رپورٹ کے مطابق اسلامی جمہوریہ ایران کی وزرات انٹیلی جنس نے ایک بیان میں کہا ہے کہ ملک کے مختلف صوبوں میں کئے جانے والے آپریشنز کے دوران داعش دہشتگرد تنظیم سے منسلک کئی دہشت گردوں کو گرفتار لیا گیا ہے۔
محکمہ انٹیلی جنس نے اپنے بیان میں مزید کہا کہ جمعتہ الوداع اور عید الفطر کے موقع پر حساس اداروں کی جانب سے آپریشنز کئے گئے جس کے نتیجے میں داعش کے دہشت گردوں کو گرفتار کرلیا گیا۔
اس بیان میں مزید کہا گیا کہ دہشت گردوں کے ٹھکانوں سے بھاری مقدار میں اسلحہ، بم، خودکش جیکٹس، کمیونیکیشن آلات، گولہ بارورد، نائٹ وژن گلاسز، ریموٹ کنٹرول بم، بموں کی تعمیر کے لیے وائرلیس اور دیگر تکنیکی وسائل قبضے میں لئے گئے۔
ایرانی حساس اداروں اور رضا کارانہ فورس نے بروقت کارروائی کرتے ہوئے اس نیٹ ورک کو پکڑا ہے جو کہ بڑی تباہی کا ارادہ رکھتا تھا۔/۹۸۹/ف۹۴۰/