رسا نیوز ایجنسی کی رپورٹ کے مطابق فیض آباد دھرنے کیخلاف آپریشن پر کراچی میں تحریک لبیک کا 10 مقامات پر دھرنا اور احتجاج جاری ہے۔
تفصیلات کے مطابق فیض آباد میں تحریک لبیک کے دھرنے کیخلاف سکیورٹی فورسز کے آپریشن کے بعد ملک بھر میں حالات انتہائی کشیدہ ہوگئے اور مذہبی جماعت کے کارکن سڑکوں پر نکل آئے اور حکومت کیخلاف مختلف مقامات پر دھرنے اور احتجاج کا سلسلہ جاری ہے ۔
کراچی میں بھی تحریک لبیک کی جانب سے نمائش چورنگی، لانڈھی نمبر6، کورنگی ڈھائی نمبر، کورنگی 5 نمبر، ٹاور جیلانی سینٹر، سہراب گوٹھ الآصف اسکوائر، شاہراہ پاکستان اور سپرہائی وے پر دھرنوں اور احتجاج کا سلسلہ جاری ہے۔
راستوں کی بندش سے شہریوں کو شدید مشکلات کا سامنا ہے اور شاہراہوں پر ٹریفک جام ہونے کی وجہ سے گاڑیوں کی لمبی قطاریں لگی ہوئی ہیں اور منٹوں کا فاصلہ گھنٹوں میں طے کیا جا رہا ہے۔/۹۸۹/ف۹۴۰/