‫‫کیٹیگری‬ :
29 November 2017 - 13:06
News ID: 432020
فونت
پاکستان میں ؛
لاہور میں آقا دو جہاں محمد مصطفی (ص) سے محبت کے اظہار کیلئے لوگ جہاں گھروں اور گلیوں، کوچوں کو سجا رہے ہیں وہیں مساجد کو بھی سجانے کا خصوصی اہتمام کیا جا رہا ہے۔ نوری مسجد کے اطراف کی بلڈنگ اور مارکیٹس کو بھی سجایا جا رہا ہے۔
جشن عید میلاد النبی (ص)

رسا ںیوز ایجنسی کی رپورٹ کے مطابق، عید میلاد النبی (ص) کے قریب آتے ہی شہر لاہور میں تیاریاں عروج پر پہنچ گئی ہیں۔

ریلوے اسٹیشن پر جامع مسجد نوری کو خوبصورت لائیٹوں سے سجا دیا گیا ہے۔ لاہور میں آقا دو جہاں محمد مصطفی (ص) سے محبت کے اظہار کیلئے لوگ جہاں گھروں اور گلیوں، کوچوں کو سجا رہے ہیں وہیں مساجد کو بھی سجانے کا خصوصی اہتمام کیا جا رہا ہے۔

عاشقان رسول کا کہنا ہے کہ مسلمانوں کیلئے میلاد مصطفی (ص) کا دن ہی بڑی عید کا دن ہے، اسی لیے اس دن کو بھرپور طریقے سے منانے کی تیاریاں کی جا رہی ہیں۔

عید میلادالنبی (ص) پر مارکیٹوں میں سجاوٹی اشیاء کی خرید و فروخت میں بھی اضافہ ہو گیا ہے۔ جشن عید میلاد النّبی (ص) شایانِ شان اور مذہبی عقیدت و احترام سے منانے کیلئے تیاریاں زور و شور سے جاری ہیں۔ گلی محلوں، مساجد اور دیگر عمارتوں کو برقی قمقموں، آرائشی محرابوں اور جھنڈیوں سے سجانے کیلئے لوگ دور دراز سے خریداری کرنے شہر کی بڑی مارکیٹوں کا رخ کر رہے ہیں۔

بڑھتا رش دیکھ کر دکاندار بھی انتہائی خوش ہیں۔ بچے بھی "پہاڑیاں" بنانے کیلئے چندہ جمع کرنے میں مصروف ہیں اور گلیوں میں "چیک پوسٹیں" بنا رکھی ہیں جہاں ہر راہگیر سے چندہ وصول کیا جا رہا ہے۔ بچے اس جمع ہونیوالی رقم سے 12 ربیع الاول کو اپنے گھروں کے باہر مکہ مکرمہ کے ماڈلز بنائیں گے۔ /۹۸۸/ ن۹۴۰

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬