رسا نیوز ایجنسی کی رپورٹ کے مطابق یادگار شہداء اسکردو پر خون جما دینے والی سردی کے باوجود 16 دنوں غیر قانونی ٹیکس کے خلاف احتجاج جاری رہے۔
مجلس وحدت مسلمین،عوامی ایکشن کمیٹی اور انجمن تاجران کے رہنماوں نے علامتی دھرنے کے سہولویں روز شرکاء جلسہ سے خطاب کرتے ہوئے حکومت کو اڑتالیس گھنٹوں کے اندر ٹیکس کے خاتمے کا نوٹیفکیشن جاری نہ کرنے کی صورت میں موجودہ صوبائی حکومت کے خلاف تحریک چلانے کا اعلان کر دیا۔
انہوں نے کہا کہ ٹیکس کا خاتمہ تو کسی صورت ہوگا کیونکہ پاکستان آرمی کی یقین دہانی پر لانگ مارچ روندو سے ختم کیا گیا تھا۔ اب حکومت نئی چال چلانے کی کوشش کرے تو ٹیکس کے ساتھ ساتھ حکومت کے خاتمے کے لیے بھی تحریک چلائی جائے گی۔
مقررین نے کہا کہ موجودہ صوبائی حکومت کی عوام دشمن پالیسیوں کے سبب پورے خطے کے عوام انکے مخالف ہوچکے ہیں۔ یہاں کے غریب عوام پر ٹیکس کا نفاذ انتہائی ظالمانہ عمل تھا۔/۹۸۹/ف۹۴۰/