رسا نیوز ایجنسی کی رپورٹ کے مطابق، امریکی صدر کی کانگریس میں سالانہ تقریر پر ردعمل ظاہر کرتے ہوئے وزیر خارجہ محمد جواد ظریف نے اپنے ایک ٹویٹ میں کہا ہے کہ ساری دنیا جانتی ہے کہ ٹرمپ کا مطلب کیا ہے اور یقینا وہ ایرانیوں کے ساتھ نہیں ہیں۔انہوں نے طنزیہ جملے کا استعمال کرتے ہوئے کہا کہ امریکی صدر کے بیان سے، نام نہاد پاک دامن خریدار اور جمہوری طریقوں سے منتخب ہونے والے تو خوش ہوں گے لیکن یمنی بچے اور وہ لوگ جو ظالموں اور ان کے ہتھیاروں کا اصل نشانہ بنے ہوئے ہیں، خوش نہیں ہوں گے۔ وزیرخارجہ کا اشارہ امریکی ہتھیار خریدنے والے سعودی حکام اور نام نہاد جمہوری طریقے سے منتخب ہونے والے ٹرمپ جیسے امریکی اور بعض مغربی ملکوں کے سربراہان کی جانب ہے -
ٹرمپ نے کانگریس میں اپنے سالانہ خطاب میں ایک بار پھر اپنے بنیاد دعوؤں کی تکرار کرتے ہوئے کہا کہ ایران کی سرگرمیاں خطے میں عدم استحکام پیدا کرنے والی ہیں - وزیر خارجہ محمد جواد ظریف نے گزشتہ روز بھی ایران کے خلاف امریکہ کے بے بنیاد الزامات پر ردعمل ظاہر کرتے ہوئے اپنے ایک ٹوئٹ میں کہا تھا کہ ٹرمپ اور ان کی ٹیم جعل سازی کے ذریعے سلامتی کونسل میں ایرانو فوبیا پھیلانے کی کوشش کر رہی ہے۔/۹۸۸/ ن۹۴۰