ٹرمپ انتظامیہ کی ایٹمی پالیسیوں نے انسانیت کو نابودی کے دہانے پر پہنچا دیا ہے

رسا نیوز ایجنسی کی رپورٹ کے مطابق امریکی ایٹمی پالیسیوں پر نظرثانی سے متعلق رپورٹ پر ردعمل ظاہر کرتے ہوئے وزیر خارجہ محمد جواد ظریف نے کہا ہے کی ایٹمی پالیسیاں ایٹمی عدم پھیلاؤ کے معاہدے این پی ٹی کے منافی ہیں۔

ایران کے وزیر خارجہ کا کہنا تھا کہ اس بات میں کوئی شک نہیں کہ انیس سو ترپن کے بعد سے نابودی کی گنتی انتہائی خطرناک مرحلے میں داخل ہو چکی ہے۔

 انہوں نے کہا کہ ایٹمی معاہدے کو سبوتاژ کرنے پر ٹرمپ کا اصرار بھی اسی خطرناک سوچ کا حصہ ہے۔

 واضح رہے کہ امریکہ کی وزارت جنگ نے جمعے کے روز  این پی آر کے نام سے ایک رپورٹ جاری کی ہے جس میں کہا ہے کہ امریکہ ماضی کی ایٹمی پالیسیوں کو جاری رکھے گا۔ تاہم روس کے مقابلے میں اس کا رویہ جارحانہ ہو گا جبکہ ٹرمپ حکومت، ایٹمی ذخائر کی جدید کاری پر زور دیتی رہے گی۔/۹۸۹/ف۹۴۰/