13 May 2018 - 18:29
‫نیوز‬ ‫کوڈ‬: 435909
فونت
انڈونیشیا کے شہر سورابایا کے تین گرجا گھروں میں ہونے والے بم دھماکوں میں نو افراد ہلاک اور بیالیس سے زائد دیگر زخمی ہو گئے۔
انڈونیشیا

رسا نیوز ایجنسی کی رپورٹ کے مطابق انڈونیشیا کے شہر سورابایا میں گرجا گھروں میں ہونے والے حملوں کے نتیجے میں دسیوں افراد ہلاک و زخمی ہو گئے۔

واقعہ کے بعد امدادی اہلکاروں نے ہلاک ہونے والے افراد اور زخمیوں کو قریبی اسپتالوں میں منتقل کیا جن میں سے بعض کی حالت تشویشناک بتائی جاتی ہے۔ پولیس کے مطابق بیالیس افراد کو اسپتال منتقل کیا گیا جن میں 2 پولیس افسر بھی شامی ہیں۔

پولیس کے مطابق پہلا دھماکہ صبح سات بجے ہوا جس میں سانتا ماریا کیتھولک چرچ کو نشانہ بنایا گیا، دوسرا دھماکہ انڈونیشین کرسچن چرچ اور تیسرا پینٹی کوسٹ سینٹرل چرچ میں ہوا۔

ابتدائی تحقیقات کے مطابق دھماکے خودکش تھے تاہم مزید تحقیقات جاری ہیں جب کہ دھماکوں کے بعد سیکورٹی ہائی الرٹ جاری کرتے ہوئے شہر کے تمام گرجا گھروں کو بند کر دیا گیا۔

پولیس کے مطابق حملوں کی ذمہ داری ابھی تک کسی بھی گروپ نے قبول نہیں کہ تاہم خدشہ ظاہر کیا جا رہا ہے کہ گرجا گھروں میں دھماکے داعش سے متاثرہ انتہا پسند گروپ نے کیے۔/۹۸۹/ف۹۴۰/

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬