عوام کو بدعنوانی سے متعلق مقدمات کی تفصیلات سے آگاہ کیا جائےگا

رسا نیوز ایجنسی کی رپورٹ کے مطابق وزیر اعظم عادل عبدالمہدی نے جمعرات کو ایک بیان جاری کرکے اعلان کیا ہے کہ بدعنوانی کے خاتمے اور بدعنوانی میں ملوث افراد کے خلاف قانونی چارہ جوئی کے لئے انسداد بدعنوانی کی خصوصی کمیٹی تشکیل دے دی گئی ہے۔

انھوں نے اس بیان میں کہا ہے کہ عوام کو بدعنوانی سے متعلق مقدمات کی تفصیلات سے آگاہ کیا جائےگا۔

یاد رہے کہ عراق کے بعض شہروں میں عوام نے اربعین سے پہلے، بدعنوانی، اقتصادی بدحالی اور عوامی خدمات کے مناسب نہ ہونے کے خلاف مظاہرے شروع کئے تھے جنہیں بعض عناصر نے منحرف کرکے، تشدد میں تبدیل کر دیا تھا ۔

عوامی مظاہروں کے دوران تشدد کے واقعات میں درجنوں افراد جاں بحق اور زخمی ہوگئے تھے ۔

پھر وزیر اعظم عادل عبدالمہدی کی جانب سے عوام کے مطالبات تسلیم کرنے اور ضروری اصلاحات انجام دینے کا وعدہ کئے جانے کے بعد مظاہروں کا سلسلہ رک گیا تھا۔