22 July 2020 - 16:49
News ID: 443247
فونت
حجت الاسلام والمسلمین سید ساجد علی نقوی :
قائد ملت جعفریہ پاکستان نے کہا کہ زوجین کا ہاشمی اور پیغمبر گرامی قدر سے نسبت فقط اور فقط جناب علی ابن ابی طالب ؑ اور سیدہ طاہرہ ؑ کا خاصا ہے ۔

رسا نیوز ایجنسی کی رپورٹ کے مطابق قائد ملت جعفریہ پاکستان حجت الاسلام والمسلمین سید ساجد علی نقوی نے امیر المومنین حضرت علی ؑ اور دختر پیغمبر اکرم حضرت فاطمة الزہرا ؑ کے روز عقد کی مناسبت سے امت مسلمہ کو تبریک اور تہنیت کہتے ہوئے کہا ہے کہ یہ کائنات کا وہ مثالی جوڑا ہے جس نے عظمت و طہارت ، پاکیزگی و پاکدامنی اور الفت و محبت کے ذریعہ نہ صرف رہتی دنیا تک کیلئے ازدواج مہر، جہیز اور گھریلو زندگی کو اطمینان و سکون اور خوشحالی سے گزارنے کے راہنما اصول دیئے بلکہ تربیت اولاد جیسے اہم اور عظیم فریضے کی نہایت خوبصورت انداز میں ادائیگی کر کے دنیائے عالم کو جناب حسن ؑ و حسین ؑ اور جناب زینب ؑ و کلثوم ؑ جیسی اولادیں عنایت کیں جن کا علم و عمل اورسیرت و کردار رہتی دنیا کے انسانوں کے لیے مشعل راہ ہے۔

علامہ ساجد نقوی نے مزید کہا کہ زوجین کا ہاشمی اور پیغمبر گرامی قدر سے نسبت فقط اور فقط جناب علی ابن ابی طالب ؑ اور سیدہ طاہرہ ؑ کا خاصا ہے ۔ پیغمبر گرامی کا خواستگاری کے وقت مال و زر اور جاہ و جلال کے بجائے حضرت علی ؑ کو دامادی میں قبول کرنے سے یہ سبق ملتا ہے کہ بیٹیوں کے رشتے کرتے وقت معیار مال نہیں بلکہ کمال کوبنانا چاہیئے۔

قائد ملت جعفریہ نے یہ بات زور دے کر کہی کہ نکاح کے بعد پیغمبر گرامی کا حضرت علی ؑ اور جناب سیدہ ؑ سے سوال کرنا ہے کہ آپ نے ایک دوسرے کو کیسا پایا تو جواب میں جناب سیدہ ؑ نے فرمایا کہ بہترین شوہر علی ؑ ہیں اور حضرت علی ؑ کا کہنا کہ خدا تعالیٰ کی اطاعت پر بہترین مدد گار پایا۔ یہ ایک ایسا ضابطہ حیات ہے جو دور حاضر میں بھی اپنا کر تمام مسائل و مشکلات پر بآسانی قابوپایا جاسکتا ہے۔

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬