رسا نیوز ایجنسی کی رپورٹ کے مطابق تحریک وحدت اسلامی کے سربراہ جاوید اکبر ساقی نے میڈیا سے بات کرتے ہوئے کہا : اگر سعودی حکومت حج کے انتظامات پر توجہ دیتی تو حجاج کی جانوں کو خطرہ لاحق نہ ہوتا۔
انہوں نے وضاحت کرتے ہوئے بیان کیا : کرین گرنے کا واقعہ اور منٰی کا سانحہ سعودی حکومت کی نااہلی کو ثابت کرنے کے لئے کافی ہے۔
تحریک وحدت اسلامی کے سربراہ نے کہا : اسلامی ممالک سعودی حکومت کے جرائم کی حمایت کرنے کے بجائے مسلمانوں کے عظیم ترین اجتماع میں شریک حاجیوں کی جان و مال کے تحفظ کے لئے آگے آئیں۔
جاوید اکبر ساقی نے بیان کیا : بہت ہی عجیب بات ہے کہ سعودی عرب میں بد انتظامی کی سبب ہوئے حادثہ میں کوئی اسلامی یا غیر اسلامی ممالک نے مذمت کی ہے ۔
واضح رہے کہ سعودی عرب میں ہوئے منی کے واقعہ میں ابھی تک تقریبا 4700 لوگوں کے جان بحق ہونے کی خبر ہے جو بہت ہی افسوس ناک ہے ۔