رسا نیوز ایجنسی کی رپورٹ کے مطابق یمن میں اعلی سیاسی کونسل کے ذریعے ملک کا انتظام سنبھالنے کے فورا بعد سعودی عرب کے لڑاکا طیاروں نے یمن کے مختلف علاقوں پر ایک بار پھر بمباری کی ہے۔
یمن کی عوامی تحریک انصاراللہ ، نیشنل کانگریس اور دیگر اتحادی جماعتوں نے ہفتے کو صنعا میں ایک اجلاس میں ملک کا نظم و نسق چلانے اور سعودی عرب کی جارحیت کا مقابلہ کرنے کے لئے ایک اعلی سیاسی کونسل کی تشکیل اوراس کے ارکان کے ناموں کا اعلان کیا۔
سعودی عرب کے جنگی طیاروں نے اتوار کو جنوبی صوبے تعز کے مخا شہر پر کم سے کم چھے بار بمباری کی۔ سعودی عرب کے لڑاکا طیاروں نے صوبہ صنعا کے شہر نہم کے علاقے المنارہ پر بھی بمباری کی ۔
دوسری جانب یمن کی عوامی انقلابی رضاکار فورس کے جوانوں نے بھی سعودی عرب کے وحشیانہ حملوں کے جواب میں شمالی یمن کے شہر الغیل میں سعودی عرب کے فوجی اڈوں پرحملہ کیا۔
یمن کی عوامی انقلابی کمیٹیوں کے جوانوں نے صوبہ صنعا کے نہم علاقے میں سعودی عرب کے اتحادی فوجیوں کے حملوں کو پسپا کرتے ہوئے کم سے کم باون سعودی اتحادی فوجیوں کو ہلاک کر دیا ۔ نہم کے ہی علاقے الحول میں بھی سعودی عرب کا ایک ٹینک تباہ کر دیا گیا۔
واضح رہے کہ آل سعور اپنے اتحادیہ کے ہمراہ یمن پر کئی مہینوں سے مسلسل بم باری کر رہا ہے اور اس ملک کے استحکام کو برباد کرنے میں کوئی کسر نہیں چھوڑ رکھی ہے یہان تک کہ آل سعود نے عوام کی طرف سے اتحادی جماعت کے توسط سے انتظامی امور کو سنبھالنے کے بعد اپنی ظالمانہ اقدام میں تیزی کر دی ہے ۔