سعودی عرب کے جنگی طیاروں نے یمن کے صوبہ حجہ کے ایک اسپتال پر شدید بمباری کی ہے
رسا نیوز ایجنسی کی رپورٹ کے مطابق سعودی عرب کے لڑاکا طیاروں نے صوبہ حجہ میں ایک اسپتال پر حملہ کرکے کم سے کم بیس مریضوں اور اسپتال کے کارکنوں کو شہید اور زخمی کردیا ۔
صوبہ حجہ کے میڈیکل شعبے کےسربراہ نے اس حادثہ کے سلسلہ میں اپنے بیان میں کہا : سعودی عرب کے لڑاکا طیاروں نے عبس اسپتال کو براہ راست نشانہ بنایا ہے ۔
واضح رہے کہ سعودی عرب کے لڑاکا طیارے اس سے پہلے بھی کئی بار یمن کے مختلف علاقوں میں اسپتالوں کو نشانہ بنا چکے ہیں ۔
حجہ کے عبس اسپتال پرسعودی عرب کا یہ وحشیانہ حملہ ایک ایسے وقت ہوا ہے جب اتوار کو اقوام متحدہ کے سکریٹری جنرل بان کی مون نے صوبہ صعدہ میں ایک اسکول پر سعودی عرب کے وحشیانہ حملے کی مذمت کی تھی ۔
چند روز قبل صوبہ صعدہ میں ایک اسکول پر سعودی عرب کے وحشیانہ ہوائی حملے میں دس سے زائد بے گناہ اسکولی بچے شہید ہوگئے تھے ۔
تبصرہ بھیجیں
برای مہربانی اپنے تبصرے میں اردو میں لکھیں.
قوانین ملک و مذھب کے خالف اور قوم و اشخاص کی توہین پر مشتمل تبصرے نشر نہیں ہوں گے