دہشت گرد گروہوں شام میں جنگ بندی کی خلاف ورزی کر رہے ہیں

رسا نیوز ایجنسی کی رپورٹ کے مطابق لاذقیہ میں موجود حمیمیم روسی مرکز نے کہ جو شام میں جنگ بندی کی نگرانی کا ذمہ دار ہے، خبر دی ہے کہ اتوار کے روز شام کے مختلف علاقوں میں پچاس بار جنگ بندی کی خلاف ورزی کی گئی۔

اس مرکز نے ایک بیان میں کہا ہے کہ حلب کے نواح میں سترہ مرتبہ، دمشق کے نواح میں گیارہ مرتبہ اور حماہ، درعا لاذقیہ اور حمص کے نواح میں بالترتیب سات، سات، پانچ اور تین مرتبہ جنگ بندی کی خلاف ورزی کی گئی۔

اس بیان کے مطابق مسلح گروہوں نے حلب کے قلعہ اور الشیخ علاقوں اور اسی طرح الراموسہ اور ضاحیہ الاسد کے رہائشی علاقوں پر مارٹر گولوں اور راکٹوں سے حملہ کیا۔

واضح رہے کہ شام میں حالیہ جنگ بندی کے دوران مسلح گروہوں نے کئی بار جنگ بندی کی خلاف ورزی کی ہے۔/۹۸۸/۹۴۰/