اتر اکھنڈ میں مسلمانوں کو نماز جمعہ کیلئے وقفے کا فیصلہ

رسا نیوز ایجنسی کی رپورٹ کے مطابق، ہندوستانی ریاست اتر اکھنڈ میں تمام سرکاری دفاتر میں مسلمانوں کے لئے جمعہ کی نماز کے لئے 90 منٹ کا خصوصی وقفہ دینے کا فیصلہ کردیا گیا۔

ریاست میں حکمراں جماعت کانگریس کے وزیراعلیٰ ہریش راوت کی زیر صدارت کابینہ کے ایک خصوصی اجلاس میں اس کی منظوری دی گئی اور آئندہ جمعہ سے ساڑھے بارہ بجے سے دو بجے تک تمام مسلمان سرکاری ملازمین کے لئے نماز کا وقفہ ہو گا۔

واضح رہے کہ ریاست اتر اکھنڈ میں جلد ہی انتخابات ہونے والے ہیں اور مسلمانوں کا یہ مطالبہ تھا کہ انہیں جمعہ کی نماز کے لئے مناسب وقت کا وقفہ دیا جائے۔/۹۸۸/ ن۹۴۰