08 January 2017 - 21:30
News ID: 425569
فونت
سعید غنی:
کراچی میں میڈیا سے گفتگو کرتے ہوئے پی پی پی کے رہنما نے کہا کہ جلد ایم کیو ایم، پی ٹی آئی، (ن) لیگ کے بڑے نام بھی پیپلز پارٹی کیساتھ ہونگے، آئندہ الیکشن میں کراچی سے بڑی تعداد میں نشستیں لینگے۔
سعید غنی کی پریس کانفرنس


رسا نیوز ایجنسی کی رپورٹ کے مطابق ، پیپلز پارٹی کے سینئر رہنما سینیٹر سعید غنی نے کہا ہے کہ ایم کیو ایم، پاک سرزمین پارٹی، تحریک انصاف اور مجلس وحدت مسلمین کے کارکنان کی بڑی تعداد نے پیپلز پارٹی میں شمولیت کا اعلان کیا ہے، جبکہ آنے والے دنوں میں ایم کیو ایم، پی ٹی آئی اور (ن) لیگ کے بڑے نام بھی شامل ہونگے۔

کراچی میں میڈیا سے گفتگو کرتے ہوئے سعید غنی نے اعلان کیا کہ مختلف سیاسی جماعتوں کے کارکنان نے بڑی تعداد میں پیپلز پارٹی میں شمولیت کا اعلان کیا ہے، پیپلز پارٹی میں شامل ہونے والوں کا تعلق متحدہ، پی ایس پی، پی ٹی آئی اور ایم ڈبلیو ایم سے ہے۔

ان کا کہنا تھا کہ متحدہ علماء کمیٹی کے مولانا سجاد حسین بھی پیپلز پارٹی میں شامل ہوئے ہیں، کراچی کی سیاست میں یہ خوشگوار تبدیلی ہے، انہوں نے بڑا دعویٰ کرتے ہوئے کہا کہ جلد ایم کیو ایم، پی ٹی آئی، (ن) لیگ کے بڑے نام بھی پیپلز پارٹی کے ساتھ ہونگے۔ رہنما پی پی نے کہا کہ آئندہ الیکشن میں کراچی سے بڑی تعداد میں نشستیں لیں گے۔ /۹۸۹/ ف۹۴۰

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬