رسا نیوز ایجنسی کی رپورٹ کے مطابق، مرجع تقلید حضرت آیت الله سید علی سیستانی کے نمائندہ اور حرم حضرت امام حسین علیہ السلام کے متولی حجت الاسلام و المسلمین شیخ عبد المهدی کربلائی کی موجودگی میں انٹرنیشنل کربلا ایئرپورٹ کا سنگ بنیاد رکھا گیا ۔
حجت الاسلام و المسلمین کربلائی نے اس سلسلے میں صحافیوں سے گفتگو کرتے ہوئے کہا: انٹرنیشنل کربلا ایئرپورٹ پروجیکٹ آٹھ سال کی مدت میں کربلا گورنر ھاوس ، منسٹری آف روڈ عراق اور بعض ملکی و عالمی کمپنیوں کے تعاون سے تعمیر کیا جائے گا ۔
انہوں نے مزید کہا: پورے سال دنیا کے مختلف گوشے سے کربلا میں دسیوں لاکھ زائرین آتے ہیں ، لہذا اس شھر میں زائرین کی سہولت کے لئے ایک انٹرنیشنل ایئرپورٹ کی تعمیر ضروری تھا ۔
حضرت آیت الله سید علی سیستانی کے نمائندہ نے عراق کے داخلی اور اقتصادی مسائل کو نہایت سنگین بتایا اور کہا: توقع ہے کہ حکمراں اپنی ہمت اور کوشش کے ذریعہ اس عظیم پروجیکٹ کو انجام تک پہونچائیں گے ۔
انہوں نے مزید کہا: حکمراں اور عوام دونوں ہی داعش کے مقابلے میں ایک دوسرے کے بازو ہیں لہذا دونوں ملک کو ملکر آباد کرنے میں اپنا کردار ادا کریں ۔
واضح رہے کہ گذشتہ سنیچر کو حرم حضرت امام حسین علیہ السلام کا انگلینڈ کی کمپنی «کوبر» سے انٹرنیشنل کربلا ایئرپورٹ پروجیکٹ کا معاملہ طے پایا تھا ۔/۹۸۸/ ن۹۳۰/ ک ۲۵۹