امریکی سینیٹر کے نزدیک ڈونلڈ ٹرمپ غیر مطمین

رسا نیوز ایجنسی کی رپورٹ کے مطابق مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی صدر ڈونلڈ ٹرمپ کے اناڑی پن کو دیکھتے ہوئے ڈیموکریٹس نے ایٹمی حملے میں پہل کا اختیار صدر سے واپس لینے کا بل کانگریس میں جمع کرا دیا ۔

جس کے مطابق ایٹمی حملے میں پہل کا اختیار کانگریس کی منظوری سے مشروط کیا جائے گا۔ امریکی ذرائع کے مطابق یہ بل ۲ ڈیموکریٹ سینیٹرز کی جانب سے کانگریس میں جمع کرایا گیا ہے۔

ڈیموکریٹ سینیٹرز کا کہنا تھاکہ انہوں نے یہ بل اس لیے جمع کرایا ہے کہ ٹرمپ صدارتی مہم کے دوران ایٹمی ہتھیاروں کے استعمال کے حوالے سے خطرناک دعوے کرتے رہے ہیں اور ہم سمجھتے ہیں کہ ٹرمپ اس حوالے سے امریکی صلاحیتوں سے پوری طرح آگاہ نہیں ہیں۔/۹۸۹/ف۹۴۰/