کشمیر میں آج صبح فوجی کیمپ پر حملہ متعدد افراد ہلاک

رسا نیوز ایجنسی کی رپورٹ کے مطابق ہندوستان کے زیرانتظام کشمیر کے ضلع کپواڑہ کے پنجگام علاقے میں فوج کے کیمپ پر آج صبح خود کار ہتھیاروں اور گرینیڈ سے حملہ ہوا ہے ۔

موصولہ رپورٹ کے مطابق اس حملے اور فوج کی جانب سے جوابی کارروائی میں فوج کے میجر سمیت 3 فوجی اہلکار اور دو حملہ آور ہلاک ہو گئے ہیں ۔

جبکہ بعض ذرائع کا کہنا ہے کہ اس حملے میں ہندوستان کے ۵ فوجی ہلاک ہوئے جس کی ابھی تک تصدیق نہیں ہو سکی ہے۔ فائرنگ کے تبادلے کے بعد اب سرچ آپریشن جاری ہے۔

وزارت دفاع کے ترجمان کا کہنا ہے کہ اس حملے کی تفصیلی معلومات حاصل کی جا رہی ہیں۔/۹۸۹/ف۹۴۰/