رسا نیوز ایجنسی کی رپورٹ کے مطابق، مراجع تقلید نجف اشرف میں سے آیت الله بشیر نجفی نے صوبہ واسط عراق کے حوزه علمیہ امام حسین (ع) کے طلاب و اساتذہ نیز آذربایجان و سعودیہ عربیہ کے شیعوں سے ملاقات میں والدین کے ساتھ نیکی کرنے کی تاکید کی اور کہا: انسان کی کامیابی کا ایک راز ماں کے حق میں نیکی اور عمل صالح انجام دینا ہے ۔
انہوں نے دین اسلام کے حقیقی مطالب کو نشر کرنے کی تاکید اور کہا: طلاب تزکیہ نفس رکھیں اور عمل کو گفتار پر مقدم جانیں ۔
حضرت آیت الله بشیر نجفی نے آذربایجان کے شیعیوں کو اهل بیت (ع) کے اخلاق و کردار سے متمسک ہونے کی دعوت دی اور کہا: شیعہ ضروری ہے کہ اهل بیت اطھار (ع) کے حقیقی پیرو اور آپ کے مبلغ ہوں ، مقدس مقامات کے زیارت کی توفیق اصلاح نفس کا مقدمہ اور تقوائے الھی میں افزائش کا سبب ہے نیز زیارتوں کی قبولیت کی ایک نشانی اپنے کردار میں اصلاح ہے ۔
سرزمین نجف اشرف عراق کے مراجع تقلید نے ایرانی عالم دین حجت الاسلام و المسلمین سید حشمت تقی طباطبائی سے بھی ملاقات میں ملت اسلامیہ کے حالیہ مسائل کا تجزیہ کرتے ہوئے کہا: دشمن اسلام کا حقیقی چہرہ بگاڑنے میں کوشاں ہے ، ہمیں اس کی چالوں کو ناکام بنانے میں اپنے تمام وسائل سے استفادہ کرنا چاہئے ۔
انہوں نے مزید کہا: مومنین ، دشمن کی بدترین سازشوں کے مقابل اپنے اتحاد کو باقی رکھیں اور حوزہ علمیہ بھی اسلام کے دفاع میں موثر کردار ادا کرے ۔/۹۸۸/ ن۹۳۰/ ک۳۲۸