رسا نیوز ایجنسی کی رپورٹ کے مطابق، کشمیر ذرائع کے حوالے سے نقل کیا ہے کہ ہندوستان کے زير انتظام کشمیر کے علاقہ وادی میں سکیورٹی فورسز نے متعدد مقامات پر حضرت امام حسین علیہ السلام کے عزاداروں پر بہیمانہ تشدد کیا ہے جبکہ کئي مقامات پر محرم الحرام کے ماتمی جلوسوں پر پابندی عائد کردی ہے۔ پولیس اور فوج نے کئی جگہوں پر عزاداروں پر لاٹھی چارج گیا جس کے نتیجے میں درجنوں عزادار شدید زخمی ہوگئے ہیں اطلاعات کے مطابق وادی میں ہندوستانی فورسز اور مقامی انتظامیہ نے محرم کے جلوسوں پر پابندی عائد کرکے جگہ جگہ خاردار تاریں اور رکاوٹیں کھڑی کردی ہیں تاکہ عوام جلوسوں میں شرکت نہ کرسکیں۔میڈیا سروس کے مطابق وادی میں انتظامیہ نے محرم کے جلوسوں کو روکنے کے لئے فوج اور پولیس کی بھاری نفری تعینات کردی ہے اور عوام کو گھروں میں محصور کردیا گیا ہے جب کہ متعدد مذہبی رہنماؤں کو بھی گرفتار کرلیا گیا ہے۔ /۹۸۸/ ن۹۴۰