‫‫کیٹیگری‬ :
06 March 2013 - 13:38
‫نیوز‬ ‫کوڈ‬: 5191
فونت
رسا نیوزایجنسی -رہبر معظم انقلاب اسلامی حضرت آیت اللہ العظمی خامنہ ای نےہفتہ ماحولیات اور یوم درختکاری کی مناسبت آج ظہر کے وقت زمین میں دو پودے لگائے۔
رہبر معظم انقلاب اسلامي


رسا نیوزایجنسی کی رھبر معظم انقلاب اسلامی کی خبر رساں سائٹ سے منقولہ رپورٹ کے مطابق، رہبر معظم انقلاب اسلامی نے یوم درختکاری کے موقع پر دو پودے لگا کر حکام سے خطاب میں کہا: درخت اور سرسبز ماحول کو ہر ملک اور بشریت کے لئے برکت اور آبادی کا باعث قراردیا جائے۔


انہوں ںے درخت لگانے اور درختوں کی حفاظت اور اسی طرح درختوں کوکاٹنے سے روکنے کے بارے میں اسلامی سفارش کی طرف اشارہ کرتے ہوئے فرمایا: درخت لگانے یا درخت کے بارے میں حکام سے جو شکوہ ہے وہ یہ ہے کہ کبھی بعض جگہوں پر سیکڑوں درخت کاٹ دیئے جاتے ہیں جنھیں نہیں کاٹنا چاہیے۔


رہبر معظم انقلاب اسلامی نےفرمایا: بعض مفاد پرست افراد بڑے شہروں کے اطراف کی زمینوں پر غلط و ناجائز تصرف  اور سرسبز ماحول کو تباہ و برباد کرکے وہاں بلند و بالا عمارتیں تعمیر کرتے اور سرسبز جگہ کو سیمنٹ میں تبدیل کردیتے ہیں، اور اس قسم کے اقدامات سے ملک کے جنگلات کو بھی خطرات لاحق ہوگئے ہیں۔


رہبر معظم انقلاب اسلامی نے بڑے شہروں کے اطراف کے علاقوں میں غیر قانونی تصرف کو روکنے کے لئے پختہ عزم و ارداہ کی ضرورت پر تاکیدکرتے ہوئے فرمایا: شہروں کے اطراف کے سرسبز ماحول بالخصوص جنگلوں کی تباہی سے بشریت کے لئے متعدد مشکلات پیدا ہوں گی اور حکومت، پارلیمنٹ، عدلیہ اور میونسپلٹیوں میں اس موضوع سے متعلق حکام کو چاہیے کہ وہ اس غلط حرکت کو روکنے کے لئے سنجیدہ اقدام عمل میں لائیں۔


اس تقریب میں وزیر زراعت،ماحولیات محکمہ کے سربراہ،تہران کے میئر اور گورنر بھی موجود تھے۔
 

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬