رسا نیوز ایجنسی کی رپورٹ کے مطابق، شیعہ علماء کونسل پاکستان کے سربراہ حجت الاسلام عارف حسین واحدی نے کراچی کی موجودہ صورتحال پر اظہار خیال کرتے ہوئے کہا: کراچی میں امن، پرُامن پاکستان کی بنیاد ہے۔
حجت الاسلام واحدی نے بیان کرتے ہوئے کہ جس انداز میں کراچی میں دہشتگردی اور ٹارگٹ کلنگ اپنے عروج پر ہے اور دہشتگردی نے روشنیوں کے شہر کو انتہائی بھیانک اندھیروں میں ڈھکیل دیا ہے کہا: دہشتگردی اور ٹارگٹ کلنگ کی کثرت نے کراچی کی عوام کا امن و سکون چھین لیا ہے اور اب ایک خواب بن کر رہ گیا ہے۔
انہوں نے اس بات پر زور دیتے ہوئے کہ کراچی کے لوگ اپنے آپ کو غیر محفوظ محسوس کر رہے ہیں کہا: کراچی میں بھرپور اور بلا امتیاز ٹارگٹڈ آپریشن کیا جائے اور مجرموں، قاتلوں اور دہشتگردوں پر آہنی ہاتھ ڈالا جائے تو کراچی کی عوام سکھ کا سانس لے سکتی ہے ۔
شیعہ علماء کونسل پاکستان کے سربراہ نے ٹارگٹڈ آپریشن کی حمایت کرتے ہوئے کہا: دہشتگردوں کے نیٹ ورک اور ان کے سرپرستوں کو بے نقاب کرنا وقت کی ضرورت ہے ۔
انہوں نے مزید کہا : کراچی کو اسلحے سے مکمل طور پر پاک کیا جائے کیوں کہ اگر کراچی میں امن ہوگا تو پورے پاکستان میں امن ہوگا۔