رسا نیوز ایجنسی کی رپورٹ کے مطابق نجف اشرف کے خطیب جمعہ حجت الاسلام سید صدرالدین قبانچی نے حسینیہ فاطمۃ کبری میں اس ہفتہ منعقدہ نماز جمعہ کے خطبہ کے درمیان سیاسی پارٹیوں کے ذریعہ وزیر اعظم کے انتخاب کی قانونی مہلت کے سلسلہ میں بے توجہی پر انتباہ کرتے ہوئے بیان کیا : عراقی عوام گذشتہ کئی روز سے قومی و پارلیمانی اتحاد کے اجلاس کا انتظار کر رہی تھی مگر افسوس کی بات ہے کہ یہ اجلاس بھی بے نتیجہ رہا اور امید کی جاتی ہے کہ یہ مسئلہ یکشنبہ کو اچھے نتائج کے ساتھ تمام ہوگی ۔
انہوں نے وزیر اعظم کے انتخاب اور نئی حکومت بنانے کی حضرت آیت الله سیستانی کی خواہش کی طرف اشارہ کرتے ہوئے وضاحت کی : قانونی مہلت کی پابندی ، اقتدار میں رہنے پر اصرار کا نہ ہونا ، مناسب شخص کا انتخاب اور دوسرے قوا کے ساتھ ہم آہنگی اور قومی مقبولیت یہ وسیع معیار تھے جو مرجع تقلید نے وزیر اعظم کو انتخاب کرنے کے لئے بیان کیا ہے ۔
حجت الاسلام قبانچی نے اسی طرح عیسائی اور ایزدی ہم شہریوں کے ساتھ اپنی یکجہتی کا اعلان کرتے ہوئے اظہار کیا : عیسائی اور ایزدیان دہشت گرد گروہ داعش کی طرف سے بہت زیادہ مشکلات و سختی برداشت کی ہے اور جو مصیبت شیعوں پر ہوئی ہے ان پر بھی ہو رہی ہے ۔ شیعہ پوری تاریخ میں ظلم و ستم اور قتل و غارت اور نقل مکانی کی سختی سے رو برو رہی ہے ، وہ جرائم جو اسلام کے نام سے ہو رہی ہے اصل میں یہ اموی اسلام ہے نہ اسلام ناب ۔