‫‫کیٹیگری‬ :
10 January 2018 - 20:27
News ID: 433589
فونت
صاحبزادہ حامد رضا:
سنی اتحاد کونسل پاکستان کے چیئرمین نے پاکستان میں دہشتگردی کیلئے افغان بارڈر پر داعش کو منظم کئے جانے پر عکس العمل کا اظھار کیا ۔
صاحبزادہ حامد رضا

رسا نیوز ایجنسی کی رپورٹ کے مطابق، سنی اتحاد کونسل پاکستان کے چیئرمین صاحبزادہ حامد رضا نے جامعہ علمیہ اچھرہ لاہور میں سنی اتحاد کونسل کے اجلاس سے خطاب کرتے ہوئے کہا ہے کہ پیر سیال کی للکار اور طاہرالقادری کی یلغار سے تخت رائیونڈ لرز رہا ہے، 13 جنوری سے حکومت کیخلاف فیصلہ کن راؤنڈ شروع ہو رہا ہے، قصور میں معصوم بچی کے قتل کا لرزہ خیز سانحہ لمحہ فکریہ ہے، زینب کے قاتل کو عبرت کا نشان بنایا جائے، کوئٹہ کے ریڈ زون میں دھماکہ حکومت کی ناکامی ہے۔

انہوں نے کہا کہ پاکستان میں دہشتگردی کیلئے افغان بارڈر پر داعش کو منظم کیا جا رہا ہے، نواز شریف نے خود کو شیخ مجیب سے ملا کر اپنی اصلیت ظاہر کر دی ہے، وزیراعظم عباسی کا عدالتی فیصلے کو ردی کہنا توہین عدالت ہے، ثناء اللہ زہری کا استعفیٰ حکمران جماعت کیلئے بڑا جھٹکا ہے، استعفوں کا موسم شروع ہو گیا ہے، تبدیلی کی ٹرین چل پڑی ہے اور حکمرانوں کے پاس فیصلے کیلئے بہت کم وقت رہ گیا ہے۔

صاحبزادہ حامد رضا نے مزید کہا کہ عمران خان کی شادی پر غیر شائستہ زبان استعمال کرنیوالے ن لیگی خود راسپوٹین ہیں، نت نئی شادیاں کرنے کے عادی شہباز شریف کی شادیوں کی بات کیوں نہیں کی جاتی، نواز شریف عمران خان پر تنقید سے پہلے حمزہ شہباز کی بیوی عائشہ احد کو انصاف دلوائیں۔

چیئرمین سنی اتحاد کونسل نے مزید کہا ہے کہ چکوال کے ضمنی الیکشن میں ن لیگ نہیں حکومت جیتی ہے، نواز شریف عدلیہ اور فوج کی کردار کشی کرکے امریکہ کو خوش کر رہا ہے، پوری قوم عدلیہ اور فوج کیساتھ کھڑی ہے، عوام کو صاف پانی، صحت اور تعلیم کی سہولتیں، روزگار اور امن فراہم کرنا حکومت کی آئینی ذمہ داری ہے، عوام کے بنیادی حقوق کو پس پشت ڈالنا آئین سے انحراف ہے۔ /۹۸۸/ن۹۴۰

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬