رسا نیوز ایجنسی کا شام کی سرکاری خبر رساں ایجنسی کے منقول رپورٹ کے مطابق یمن کے متعدد صوبوں میں واقع رہائشی مکانات اور بنیادی تنصیبات پر سعودی عرب کے لڑاکا طیاروں کے حملے میں دسیوں یمنی شہری شہید اور زخمی ہوگئے ہیں۔
سعودی عرب کے لڑاکا طیاروں نے یمن کے صوبہ صعدہ پر متعدد مرتبہ بمباری کی جس کے نتیجے میں الحدیدہ ایئرپورٹ کے بعض حصے منہدم ہوگئے ہیں۔
سعودی لڑاکا طیاروں نے صوبہ الجوف کی شاہراہوں پر دسیوں مسافروں کو اپنے حملے کا نشانہ بنایا۔ اس حملے میں بیس سے زیادہ مسافر شہید اور زخمی ہوگئے ہیں۔
دریں اثناء دہشت گرد گروہ داعش کا سرغنہ ابومسلم الجزائری اور اس گروہ کے بعض دوسرے عناصر جنوب مغربی یمن میں واقع صوبہ تعز پر یمن کی فوج اور عوامی رضاکار فورس کے حملے میں ہلاک ہوگئے ہیں۔
یمن کی فوج اور عوامی رضاکار فورس نے جنوبی سعودی عرب میں واقع صوبہ عسیر میں سعودی عرب کے ٹھکانوں پر حملہ کر کے تین سعودی فوجیوں کو ہلاک اور ان کی تنصیبات کو تباہ کر دیا ہے۔