12 October 2016 - 22:47
‫نیوز‬ ‫کوڈ‬: 423790
فونت
عاشور کے موقع پر؛
ایران کے تمام چھوٹے بڑے شہروں میں سید الشہدا حضرت امام حسین علیہ السلام اور آپ کے باوفا ساتھیوں کی شہادت کی مناسبت سے عزاداری اور سینہ زنی کا انعقاد ہوا۔
ایران کا عاشور

 

رسا نیوز ایجنسی کی رپورٹ کے مطابق، مشہد مقدس میں حضرت امام رضا علیہ السلام اور قم المقدس میں حضرت فاطمہ معصومہ علیھا السلام کے روضہ ہائے اقدس میں ایران بھر کے زائرین کے علاوہ دوسرے ممالک  کے زائرین نے بھی آل بیت علیھم السلام پر ڈھائے جانے والے مظالم پر آنسو بہائے اور ماتم کیا نیز تہران میں امام بارگاہ امام خمینی (رح) میں بھی مجلس عزا کا انعقاد کیا گیا ۔

اس کے علاوہ منگل کی شب ایران بھر کی مساجد ، امام بارگاہوں اور مقدس مقامات پر مجالس عزا برپا ہوئیں اور عزاداری کی گئی۔ علمائے کرام نے مصائب اہلبیت علیھم السلام بیان کئے اور پھر ماتمی دستوں نے نوحہ خوانی اور سینہ زنی کی۔

عراق ، پاکستان، ہندوستان، افغانستان، آذربائیجان، ترکی، کویت ، لبنان اور دنیا کے دیگر ملکوں میں بھی مجالس عزا کا انعقاد کیا گیا اور جلوس ہائے عزا برآمد کئے گئے۔

عراق میں جلوس ہائے عزا کے راستوں میں چار بم دھماکے ہوئے جس کے نتیجے میں متعدد عزادار زخمی ہوگئے۔ یہ دھماکے مغربی بغداد کے علاقے الشعلہ اور مشرقی بغداد کے مضافات میں واقع العبیدی نامی علاقے میں ہوئے۔

افغانستان سے ملنے والی رپورٹ کے مطابق اس ملک  کے دارالحکومت کابل میں نامعلوم مسلح افراد نے  زیارت گاہ سخی میں سید الشہدا حضرت امام حسین علیہ السلام کے عزاداروں پر حملہ کر دیا جس کے نتیجے میں چودہ عزادار شہید اور چھتیس زخمی ہوگئے۔ عینی شاہدین کا کہنا ہے کہ دو حملہ آوروں نے عزاداروں پر فائرنگ کی جبکہ تیسرے نے خود کش جیکٹ کے ذریعے دھماکہ کردیا۔ 

نائجیریا کی فوج نے کادونا شہر میں اہل تشیع کی ایک مسجد کا محاصرہ کر لیا اور  عزاداروں کے اس مسجد سے باہر نکلنے سے مانع ہوئی۔

ملائيشیا کی پولیس برائے مذہبی امور نے بھی سلانگور ضلع میں واقع ایک امام بارگاہ پر حملہ کر کے عزاداری سید الشہدا حضرت امام حسین علیہ السلام کی راہ میں رکاوٹ ڈالی اور تیس سے زیادہ عزاداروں کو گرفتار کر لیا۔/۹۸۸/ن۹۳۰/ک۳۶۹

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬