نواسہ رسول کی قربانی اور استقامت بے مثال ہے

رسا ییوز ایجنسی کی رپورٹ کے مطابق، وزیراعظم نواز شریف نے اپنے پیغام میں کہا کہ حضرت امام حسین علیہ السلام نے ظلم وجبر کے سامنے سرجھکانے کے بجائے شہادت کو گلے لگایا- انہوں نے کہا کہ امام عالیمقام نے پوری دنیا کو سبق دیا کہ حریت و آزادی  ایک بنیادی حق ہے جس کی حفاظت اپنی جان سے بھی زیادہ ضروری ہے-

وزیراعظم پاکستان نوازشریف نے عاشورہ کی مناسبت سے قوم کے نام  اپنے پیغام میں کہا کہ آج کے دن ہمیں فروعی ، مسلکی ، لسانی اور صوبائی اختلافات کو بھلانا ہوگا- ان کا کہنا تھا کہ ہمیں مساوات ، رواداری ، نظم و ضبط اور قربانی جیسے اوصاف کو فروغ دینا ہو گا۔/۹۸۸/ن۹۴۰