رسا نیوز ایجنسی کی رپورٹ کے مطابق، ریاست ایلینوائے سے رکن سینیٹ بل فاسٹر نے وائٹ ہاوس کو لکھے گئے ایک مراسلے میں کہا ہےکہ ایران کے ساتھ ہونے والے جامع ایٹمی معاہدے کو توڑنا امریکہ کے نقصان میں ہوگا۔
انہوں نے کہا کہ ایران نے اب تک جامع ایٹمی معاہدے کی مکمل پابندی کی ہے۔وائٹ ہاوس کے نام بل فوسٹر کے مراسلے پر ساٹھ ڈیموکریٹ ارکان نے دستخط کیے ہیں۔
ادھر سی این این نے اپنی رپورٹ میں کہا ہے کہ اسرائیلی فوجی افسران کو اس بات کا یقین ہوگیا ہے ایران کے خلاف فوجی حملے کا آپشن کامیاب نہیں ہوسکتا لہذا امریکی صدر ڈونلڈ ٹرمپ نے بھی جامع ایٹمی معاہدے کو ختم کرنا تو دور کی بات اس پر نظرثانی کی بات کرنا بھی چھوڑ دی ہے۔
امریکی صدر ڈونلڈ ٹرمپ نے اپنی انتخابی مہم کے دوران کہا تھا کہ اگر وہ صدر منتخب ہوگئے تو وائٹ ہاؤس پہنچتے ہی ، ایران کے ساتھ ہونے والے ایٹمی معاہدے کو پھاڑ دیں گے۔
قابل ذکر ہے کہ ایران کی جانب سے ایٹمی معاہدے کی مکمل پاسداری کے باجود امریکہ بے بنیاد بہانوں کے ذریعے مذکورہ معاہدے پر عملدرآمد سے گریز کر رہا ہے۔
ایٹمی توانائی کی عالمی ایجنسی نے بھی اپنی متعدد رپورٹوں میں اس بات کی تصدیق کی ہے کہ ایران جامع ایٹمی معاہدے کی پاسداری کر رہا ہے۔/۹۸۸/ ن۹۴۰