رسا نیوز ایجنسی کی رپورٹ کے مطابق، شھید آرگنائزیشن نے آیت الله سید محمد باقر صدر، سید محمد باقر حکیم اور دیگر عراقی شھیدوں کی برسی کے موقع پر « ہمارے شھداء ہماری زندگی » کے عنوان سے حرم مطهر امام حسین (ع) کربلائے معلی میں اجلاس کا انعقاد کیا گیا ۔
شھید آرگنائزیشن کے صدر ناجحة عبد الامير عبد الكريم الشمری نے اپنی تقریر میں کہا: شھدائے عراق نے اپنی حیات کی سب سے گراں بہا چیز کو اپنے وطن اور اس ملک کے مقدسات کی حفاظت و بقا میں صرف کردیا ۔
انہوں نے مزید کہا: شھیدوں نے اپنی حیات کا نذرانہ پیش کر کے سابق ڈیکٹیٹر اور قومی مجرم کا تختہ حکومت پلٹ دیا نیز ملک کو امنیت و ثبات کا تحفہ دیا ۔
شھید آرگنائزیشن عراق کے صدر نے مزید کہا: شھید آرگنائزیشن حکومت ، انسانی حقوق آرگنائزیشنز اور حرم امام حسین(ع) سے امداد دریافت کر کے شھید گھرانوں کی امداد کرتا ہے ۔/۹۸۸/ ن۹۳۰/ ک۱۸۷