رسا نیوز ایجنسی کی رپورٹ کے مطابق مجلس وحدت مسلمین کے مرکزی ڈپٹی سیکریٹری جنرل حجت الاسلام سید احمد اقبال رضوی نے سانحہ پاراچنارمیں درجنوں بے گناہ شیعہ مسلمانوں کے بہیمانہ قتل عام پر مرکزی سیکریٹریٹ سے جاری مذمتی بیان میں کہاہے کہ ملت جعفریہ کو اس عظیم سانحے پر دلی تعزیت پیش کرتا ہوں۔
انہوں نے تاکید کرتے ہوئے کہا : ایک بات جو کہ یقینی ہے کہ اس طرح کی بربریت سے پاراچنار کے مومنین جو حسینؑ ابن علیؑ کے ماننے والے ہیں کہ حوصلوں اور جذبوں کو شکست نہیں دی جاسکتی۔
انہوں نے بیان کیا : بقول امام خمینیؒ تم ہمیں قتل کرو اس سے ہماری قوم مزید بیدار ہو گی۔
انہوں نے کہا : البتہ پاراچنار کا سانحہ حکومت اور ریاستی اداروں کی ناکامی کا منہ بولتا ثبوت ہے اور قانون نافذ کرنے والے اداروں کی غفلت کا نتیجہ ہے ۔
انہوں نے بیان کیا : پر وردگار عالم اس عظیم سانحے میں شہید ہونے والوں کی مغفر فرمائے اوران کے پسماندگان کو صبر جمیل عنایت فرمائے ۔/۹۸۹/ف۹۴۰/