شام میں ابھی تک اسی ممالک کے ساٹھ ہزار دہشت گرد ہلاک ہو چکے ہیں

رسا نیوز ایجنسی کی رپورٹ کے مطابق شامی ذرائع کے مطابق شام کے بحران کے آغاز سے 15 جولائی 2017  تک 58446 دہشت گرد ہلاک ہو چکے ہیں ۔

شام میں ہلاک ہونے والے دہشت گردوں کا تعلق 80 ممالک سے بتایا جاتا ہے۔

اطلاعات کے مطابق ہلاک ہونے والے دہشت گردوں کا تعلق النصرہ فرنٹ، داعش ، حزب اسلامی الترکستانی ، جنود الشام اور دیگر دہشت گرد گروہوں سے بتایا جاتا ہے۔

ذرائع کے مطابق ہلاک ہونے والے دہشت گردوں میں اردنی، شامی ، عراقی ، لبنانی ، فلسطینی ، سعودی ، کویتی ، قطری ، اماراتی، مصری، یمنی ، سوڈانی ، افریقی ، افغانستانی ، پاکستانی ، امریکی اور یورپی ممالک کے دہشت گرد شامل ہیں۔/۹۸۹/ف۹۴۰/