27 February 2018 - 13:57
‫نیوز‬ ‫کوڈ‬: 435178
فونت
محمد جواد ظریف:
اسلامی جمہوریہ ایران کے وزیر خارجہ نے سربیا کے دارالحکومت بلغراد میں ایرانیوں کے اجتماع سے خطاب کرتے ہوئے کہا کہ ایران مشرق وسطی کا امن ترین ملک ہے۔
محمد جواد ظریف

رسا نیوز ایجنسی کی رپورٹ کے مطابق، اسلامی جمہوریہ ایران کے وزیر خارجہ محمد جواد ظریف نے سربیا کے دارالحکومت بلغراد میں اس ملک میں مقیم ایرانیوں کے اجتماع سے خطاب کرتے ہوئے کہا کہ ایرانی قوم ہماری آزادی ، سربلندی اور فخر کا مظہر ہے اور ایرانی عوام مذہب اور رنگ و نسل سے بالاتر ہوکر ملک سے محبت کرتے ہیں۔

انہوں نے مزید کہا کہ ایران کے خلاف امریکی پابندیاں بھی ایرانی عوام کو گھٹنے ٹیکنے پر مجبور نہیں کر سکیں اور ایرانی عوام  اور حکومت کو ایک دوسرے سے الگ نہیں  کر سکیں۔

ایران کے وزیر خارجہ نے امریکی صدر ٹرمپ کی جانب سے ایران اور جوہری معاہدے  کے خلاف موقف اپنانے کی جانب اشارہ کرتے ہوئے کہا کہ جو پہلی فرصت میں جوہری معاہدے کو ختم کرنے کی بات کرتے تھے اور اسے امریکہ کی تاریخ کا بد ترین معاہدہ قرار دیتے تھے 14 مہینے گذر جانے کے باوجود بھی وہ کچھ نہیں کر سکے اس لئے کہ انھیں اس کے نتائج کا علم ہے کہ اس کی کتنی بڑی قیمت چکانی پڑے گی۔

واضح رہے کہ ایران برطانیہ، فرانس، چین، روس امریکہ اور جرمنی کے مابین جنوری 2016 میں جوہری معاہدہ طے پایا تھا۔ لیکن جب سے ٹرمپ کی حکومت بنی ہے اس نے اس معاہدے کی خلاف ورزی کرتے ہوئے اسے ختم کرنے کی کوششیں کیں لیکن عالمی سطح پر ٹرمپ کی مخالفت کی گئی ۔/۹۸۹/ ف۹۴۰

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬