25 February 2019 - 13:54
‫نیوز‬ ‫کوڈ‬: 439849
فونت
بحرین کے معروف عالم دین آیت اللہ شیخ عیسی قاسم ایران کے سفر کے دوران ہفتے کو مشہد سے قم پہنچے۔

رسا نیوز ایجنسی کی رپورٹ کے مطابق، آیت اللہ شیخ عیسی قاسم نے قم میں جناب فاطمہ معصومہ سلام اللہ علیہا کے حرم مطہر کی زیارت کی۔ اس سے قبل انھوں نے مشہدالمقدس میں آٹھویں امام حضرت امام علی رضا علیہ السلام کے حرم مطہر کی زیارت کی غرض سے اس شہر میں چند روز قیام کیا۔

آیت اللہ شیخ عیسی قاسم نے انیس فروری کو اسلامی جمہوریہ ایران کے بانی امام خمینی رہ کے مزار اقدس پر بھی حاضری دی اور آپ کی شخصیت کو خرج عقیدت پیش کیا۔ وہ دو فروری کو عراق کے مقدس شہر نجف اشرف سے ایران کے مقدس شہر مشہد پہنچے تھے۔

اس سے قبل وہ لندن میں علاج و معالجے کے بعد چھبیس دسمبر کو لندن سے نجف اشرف پہنچے تھے۔

آیت اللہ شیخ عیسی قاسم بحرین کی آل خلیفہ حکومت کی جانب سے دو سال تک فوجی محاصرہ جاری رہنے کے بعد نو جولائی کو علاج معالجے کے لئے لندن پہنچے تھے۔

بحرین میں آل خلیفہ حکومت کے سیکورٹی اہلکاروں نے آیت اللہ شیخ عیسی قاسم کی شہریت منسوخ کرتے ہوئے جون دو ہزار سولہ میں الدراز میں ان کی رہائشگاہ کا فوجی محاصرہ اور ان کو نماز جمعہ برپا کرنے سے روک دیا تھا۔ /۹۸۸/ ن

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬
تازه ترین خبریں
مقبول خبریں
پرطرفدارترین