رسا نیوز ایجنسی کی رپورٹ کے مطابق سعودی عرب کے ٹرمپ نواز بادشاہ ملک سلمان کے بھائی احمد بن عبد العزیز نے ملک سلمان اور اس کے بیٹے اور ولیعہد محمد بن سلمان پر شدید تنقید کی ہے۔
احمد بن عبدالعزیز نے لندن میں آل سعود کی پالیسیوں کے خلاف مظاہرین سے خطاب کرتے ہوئے کہا کہ سعودی عرب کے بادشاہ شاہ سلمان اور اس کے بیٹے محمد بن سلمان کی پالیسیوں کا آل سعود سے کوئی تعلق نہیں ہے ملک سلمان اور ولیعہد محمد بن سلمان موجودہ صورتحال کے ذمہ دار ہیں۔
اطلاعات کے مطابق لندن میں مظاہرین نے شہزادہ احمد بن عبدالعزیز کی رہائشگاہ کے باہر آۂ سعود کے خلاف مظاہرہ کیا اور نعرے بازی کی۔
احمد بن عبدالعزیز نے یمن پر مسلط کردہ جنگ کے بارے میں سوال کا جاوب دیتے ہوئے کہا کہ میری ارزو یہ ہے کہ یہ جنگ آج ہی بند ہوجائے کیونکہ اس جنگ میں بیشمار بےگناہ افراد شہید ہوگئے ہیں جن میں بچزں اور عورتوں کی بڑی تعداد شامل ہے۔/۹۸۹/ف۹۴۰/