رہبرمعظم انقلاب اسلامی حضرت آیت اللہ العظمی خامنہ ای نے عید میلاد النبی (ص) اورحضرت امام جعفر صادق (ع) کی ولادت باسعادت کی مناسبت سے بعض قیدیوں کی سزاؤں میں کمی اورعفو کی درخواست موافقت کی ہے۔ رسا نیوز ایجنسی کی رپورٹ کے مطابق، رہبرمعظم انقلاب اسلامی حضرت آیت اللہ العظمی خامنہ ای نے عید میلاد النبی (ص) اورحضرت امام جعفر صادق (ع) کی ولادت باسعادت کی مناسبت سے بعض قیدیوں کی سزاؤں میں کمی اورعفو کی درخواست موافقت کی ہے۔
رہبر معظم انقلاب اسلامی نے میلاد النبی (ص) اورحضرت امام جعفر صادق (ع) کی ولادت باسعادت کی مناسبت سے عام عدالتوں، انقلاب اسلامی عدالتوں ، فوجی اور خصوصی عدالتوں سے سزا پانے والے 3552 افراد کی سزاؤں میں کمی اور بخشش کی درخواست سے موافقت کی ہے۔
عدلیہ کے سربراہ حجۃ الاسلام والمسلمین سید ابراہیم رئیسی نے پیغمبر اسلام (ص) کی ولادت باسعادت اور حضرت امام جعفر صادق (ع) کی ولادت باسعادت کی مناسبت سے رہبر معظم انقلاب اسلامی کے نام ایک خط میں درخواست کی تھی کہ قیدیوں کی سزاؤں میں کمی اور بخشش سے متعلق مرکزی کمیشن نے 3552 قیدیوں کو سزاؤں میں کمی اور بخشش کا مستحق قراردیا ہے ۔
رہبر معظم انقلاب اسلامی نے اس درخواست کو منظور کرلیا۔/۹۸۹/ف