رسا نیوز ایجنسی کی رپورٹ کے مطابق، اسلامی جمہوریہ ایران کی وزارت خارجہ کے ترجمان بہرام قاسمی نے امریکی وزیر خارجہ کے حالیہ منفی بیانات کے جواب میں کہا ہے کہ من گھڑت اور جھوٹے الزامات دہرانے سے امریکہ کبھی بھی اسلامی جمہوریہ ایران کے خلاف کی جانے والی غلطیوں اور خطے میں اپنی شکست کا ازالہ نہیں کرسکتا.
وزارت خارجہ کے ترجمان نے مزید کہا کہ امریکی حکام ایران کے خلاف ایسے الزامات اور جھوٹے بیانات کو دہرانے سے خطے میں اپنی غلطیوں کو نہیں چھپا سکتے اور نہ ہی وہ ایران کے سامنے اپنی منفی حکمت عملی کا ازالہ کرسکتے.
انہوں نے کہا کہ اسلامی جمہوریہ ایران دہشتگردی، جارحیت اور فوجی بغاوت جیسی سازشوں کا شکار رہا ہے مگر اس کے باوجود ہم آج دہشتگردی کے خلاف جنگ کی فرنٹ لائن پر ہیں.
بہرام قاسمی نے مزید کہا کہ ایران کے خلاف بے بنیاد الزامات کا سلسلہ جاری رہنے کی یہی علامت ہے کہ امریکہ خطے میں دہشتگردی کی حمایت کرتا ہے.
انہوں نے کہا کہ اسلامی جمہوریہ ایران عالمی قوانین کے تحت عالمی اور علاقائی امن و سلامتی کے لئے اپنے تعمیری کردار کو جاری رکھے گا اور اس حوالے سے کسی بھی قسم کے الزامات اور دھمکیوں کی پرواہ نہیں کرتا ۔/۹۸۸/ ن۹۴۰