01 March 2018 - 16:59
‫نیوز‬ ‫کوڈ‬: 435212
فونت
صدر روحانی:
اسلامی جمہوریہ ایران کے صدر نے کہا ہے کہ ایران کے تیل وگیس اور پیٹروکیمیکل کے شعبوں میں دو سو ارب ڈالر سے زیادہ کی سرمایہ کاری کی گنجائش ہے۔
حسن روحانی

رسا نیوز ایجنسی کی رپورٹ کے مطابق، صدر مملکت ڈاکٹر حسن روحانی نے ایران کے جنوبی صوبے ہرمزگان کی صوبائی کونسل کے اجلاس میں تقریر کرتے ہوئے کہا کہ جامع ایٹمی معاہدے کے بعد ایران میں سرمایہ کاری کے میدان میں اچھی پیشرفت ہوئی ہے۔

انہوں نے کہا کہ اس وقت تیس ارب ڈالر سے زیادہ کی غیر ملکی سرمایہ کاری کے مواقع اور فنانس موجود ہے جن سے صحیح طریقے سے استفادہ کیا جانا چاہئے تاکہ ایران کی ترقی وپیشرفت کے لئے وضع کئے گئے دائرہ کار میں تیزی کے ساتھ آگے کی جانب قدم بڑھایا جاسکے۔

انہوں نے قزوین - رشت اور رشت- آستارا ریلوے لائن کے پروجیکٹ کی تکمیل پر زور دیتے ہوئے کہا کہ ان منصوبوں کے مکمل ہوجانے کے بعد وہ سامان جو بحیرہ عمان کے راستے خاص طور پر ہندوستان سے روس اور یورپ جاتا ہے وہ ٹرینوں کے ذریعے روس اور یورپ منتقل کیا جاسکے گا۔

انہوں نے کہا کہ بندر عباس کے ساتھ ساتھ چابہار بندرگاہ سے بھی تجارتی سامان کی ٹرینوں کے ذریعے منتقلی تیز رفتاری کے ساتھ انجام پاسکے گی۔ صدر مملکت ڈاکٹر حسن روحانی نے اپنے دورہ صوبہ ہرمزگان میں چوہ ترقیاتی اور تعمیراتی منصوبوں کا افتتاح کیا۔/۹۸۹/ ف۹۴۰

 

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬