رسا ںیوز ایجنسی کی رپورٹ کے مطابق، ایرانی حجاج کا پہلا قافلہ فریضہ حج ادا کرنے کے لیے مدینہ منورہ پہنچ گیا ہے۔ اطلاعات کے مطابق فریضہ حج ادا کرنے کے لیے ایرانی عازمین حج کا پہلا گروپ مدینہ منورہ کے پرنس محمد بن عبدالعزیز ہوائی اڈے پہنچ گیا جہاں سعودی حکام نے ان کا استقبال کیا۔
ذرائع کے مطابق رواں سال 86 ہزار سے زائد ایرانی حجاج فریضہ حج ادا کریں گے اور 600 قافلوں میں حجاز مقدس پہنچیں گے۔
واضح رہے کہ ایران اور سعودی عرب کے درمیان منی میں حجاج کے بہیمانہ قتل عام اور سعودی حکام کی غفلت کے باعث سفارتی تعلقات کشیدہ ہیں اور ایک سال کے وقفہ کے بعد ایرانی حجاج دوبارہ حج پر روانہ ہوئے ہیں اور اس بار سعودی حکام نے ایرانی حجاج کی سکیورٹی کی بھر پور ضمانت دی ہے جس کے بعد ایرانی حجاج حج کے لئے سرزمین وحی پر پہنچنا شروع ہوگئے ہیں۔
ایرانی حجاج کے پہلے قافلہ کو امور حج میں ولی فقیہ کے نمائندے حجۃ الاسلام والمسلمین قاضی عسکر نے تہران سے الوداع کیا۔/۹۸۸/ ن۹۴۰