دنیا ایران پر لگی امریکی پابندیاں ختم کرائے

رسا نیوز ایجنسی کی رپورٹ کے مطابق، رویت ہلال کمیٹی کے چیئرمین مفتی منیب الرحمان نے کہا ہے کہ ایران میں لوگ ایک طرف تو کورونا وائرس کی وباء کا شکار ہیں، دوسری طرف امریکا کی طرف سے عائد پابندیوں اور معاشی محاصرے نے اس وباء کو دو آتشہ نہیں بلکہ سہ آتشہ کر دیا ہے، دنیا میں کوئی ہے جو ایران کے مظلوموں کے بارے میں آواز اٹھائے ؟

انہوں نے کہا: ہم مطالبہ کرتے ہیں کہ ایران پر عائد پابندیاں اٹھائی جائیں تاکہ وہ اپنے قومی وسائل سے اس وباء کا مقابلہ کرسکے۔

مفتی منیب الرحمان نے مزید تاکید: وزیراعظم پاکستان عمران خان نے بھی اس حوالے سے آواز بلند کی ہے، ہم ان کی تحسین کرتے ہیں، لیکن اس پر اظہار افسوس کرتے ہیں کہ باقی مسلم حکمرانوں کی زبانیں گنگ ہیں، ظلم ظلم ہے، خواہ کوئی بھی کرے اور کسی پر بھی کرے۔/۹۸۸/ن