رسا نیوز ایجنسی کے رپورٹر کی رپورٹ کے مطابق امام امام خمینی (ره) تعلیمی و تحقیقی ادارہ کے صدر آیت الله مصباح یزدی نے امام صادق (ع) یونیورسیٹی کے فقہ حکومتی ڈپارٹمینٹ کے اساتید و طلاب و محققین کے گروہ کے درمیان اسلامی حکومت کے قیام کو موجودہ تاریخ کے حیرت انگیز امور میں سے جانا اور اس اشارہ کے ساتہ کہ اسلامی انقلاب تاریخ اسلام و مسلمین میں ایک اہم موڑ ہے بیان کیا : اس حکومت کی پہلی ذمہ داری اسلامی احکامات کی نفوذ کی کوشش کرنا ہے جو اقدار و عقائد کو مضبوط بنانے میں کوشش کرے اور یہی مسئلہ امام خمینی (ره) اور ان کے ساتہ انقلاب میں شریک لوگ جو اسلامی احکام سے منسلک تھے ان کی توجہ اسلامی انقلاب کی کامیابی کا باعث ہوا ۔
آیتالله محمد تقی مصباح یزدی نے اپنی گفت و گو کو جاری رکھتے ہوئے بیان کیا : عدلیہ سسٹم کی طرف سے اسلامی احکامات کا اجرا کرنا حکومت کے اسلامی ہونے کی اہم نشانی ہے جس میں اسلام کے مطابق سزا ملتی ہے جس کی طرف غیروں کی خاص نگاہ ہے ۔
انہوں نے اسلامی حکومت کا وجود بغیر اسلامی فقہ کے ہونے کو بے معنی جانا ہے اور بیان کیا : اگر اسلامی حکومت ہو تو کم سے کم مینیجمینٹ میں اسلامی احکامات کا خیال رکھا جائے اور اسلامی حکومت کا سب سے کم درجہ یہ ہے کہ ان کے دفتروں میں اسلامی احکامات کے یقینی حکم کی خلاف ورزی نہ ہو ۔