آیت الله سید محمد رضا غروی کے فرزند آیت الله سید محمد غروی نے رسا نیوز ایجنسی کے رپورٹر کو اپنے والد محترم کے انتقال کی خبر دیتے ہوئے کہا: افسوس آیت الله سید محمد رضا غروی نے اتوار کی شام کہولت سن کی بنیاد پر 99 سال کی عمر میں اس دار فانی کو الوداع کہدیا ۔
انہوں نے مزید کہا: انشاء الله آپ کی تشییع و تدفین کا پروگرام آج سموار کے دن علما، طلاب اور مختلف طبقہ کی عوام کی موجودگی میں ایران کے دارالحکومت تہران میں منعقد ہوگا ۔
آیت الله سید محمد غروی نے یاد دہانی کی : میرے والد بزوگوار نے اس 99 سالہ عمر کی مدت میں 70 سال سے بھی زیادہ کی مدت تک مومنین ، حکومت و انقلاب اسلامی کی خدمت میں بسر کیا ، وہ اس خدمت کو اپنے لئے باعث فخر جانتے تھے ۔
انہوں نے مزید کہا: آپ تہران کے ان علماء میں سے تھے جنہوں نے برسوں تک مومنین ، مسجد ، مذھبی نشستوں کی خدمت کی نیز حوزات علمیہ میں بھی دروس کے فرائض انجام دیتے رہے ۔
حوزات علمیہ کی سپریم کونسل کے رکن نے کہا: آپ انقلاب اسلامی کی ابتداء ہی سے امام خمینی(ره) کے ساتھ اور تہران مارکیٹ میں آپ کے نمائندہ تھے ، حضرت امام خمینی(ره) کی آپ پر خصوصی توجہ تھی نیز آپ کو حضرت امام خمینی(ره) و قم و نجف اشرف کے دیگر مراجع تقلید کے کثیر اجازے حاصل تھے ۔/۹۸۸/ ن۹۳۰/ ک۲۷۱