اسرائیل اپنی موت کو خود دعوت دے رہا ہے

رسا نیوز ایجنسی کی رپورٹ کے مطابق، تہران میں مسجد الاقصی کی آزادی اور استقامتی محاذ کے زیر عنواں منعقدہ ایک سمینار سے خطاب کرتے ہوئے ایران میں حزب اللہ کے نمائندے سید عبداللہ صفی الدین نے، امریکی سفارتخانہ تل ابیب سے بیت المقدس منتقل کئے جانے کے تعلق سے واشنگٹن کی کوشش کا ذکر کرتے ہوئے کہا کہ امریکا اپنے اس قسم کے اقدام سے صیہونی حکومت  کے وزیراعظم نتن یاہو کا حوصلہ بڑھانے کی ناکام کوشش کر رہا ہے-

بیت المقدس شہر جہاں مسلمانوں کا قبلہ اول مسجد الاقصی واقع ہے، فلسطین کا اٹوٹ حصہ ہے اور مسلمانوں کے نزدیک اس کا بیحد احترام ہے- اسرائیل نے مسلمانوں کے اس مقدس شہر پر انیس سو سڑسٹھ سے غاصبانہ قبضہ کر رکھا ہے-

حزب اللہ کے نمائندے نے علاقے میں امریکا کی شکست کی جانب اشارہ کرتے ہوئے کہا کہ امریکا مشرق وسطی میں یکے بعد دیگرے اپنے اڈے کھو رہا ہے-

ایران میں حزب اللہ کے نمائندے سید عبداللہ صفی الدین نے اس بات کا ذکر کرتے ہوئے کہ امریکا استقامتی محاذ پر دباؤ ڈال کر علاقے میں اپنی شکست کی تلافی کرنا اور اپنے اڈوں کو باقی رکھنا چاہتا ہے، کہا کہ امریکیوں کو یہ جان لینا چاہئے کہ صیہونی حکومت کی نابودی اور علاقے میں امریکی فوجی اڈوں کا خاتمہ یقینی ہے- /۹۸۸/ ن۹۴۰