رسا نیوز ایجنسی کی رپورٹ کےمطابق، لبنانی پارلیمنٹ اسپیکر نبیه بری نے اج جینوا میں ہونے والی عرب اور مسلمان ممالک پارلیمنٹ کے اجلاس میں لیبیا ، عراق ، شام اور مصر میں ہونے والی دھشت گردانہ کاروائیوں پر افسوس کا اظھار کیا اور کہا: اسلام کے دشمن، مسلمانوں کے خلاف گھناونی سازش انجام دینے میں مصروف ہیں ، قبائلی اختلاف اور مسلکی فتنہ پروری اس کی روشن دلیل ہے ۔
انہوں نے مزید کہا: اسلامی دنیا کی تضیعف میں عرب اور مسلمان ممالک کے تجزیہ کی سیاست کو بخوبی ملاحظہ کیا جاتا ہے ۔
نبیه بری نے موجودہ حالات کو غاصب صھیونیت کے سوء استفادہ کا بہترین موقع جانا اور کہا: غاصب صھیونیت ، حالیہ تبدیلیوں اور اسلامی ممالک کے حالات سے مکمل استفادہ کرتے ہوئے فلسطین پر مکمل قبضے ، یھودیت آباد کاری اور مسجد الاقصی پر تسلط حاصل کرنے میں مصروف ہے ۔
انہوں نے شام کے بحرانی حالات اور شام - لبنان بارڈر پر شامی اوارگان کی نا گفتہ بہ حالت زار کی جانب اشارہ کیا اور کہا: گذشتہ دو برسوں میں جو کچھ بھی شام میں انجام پایا وہ مسلم ممالک کو ٹکڑوں میں تقسیم کئے جانے کے واضح ثبوت ہے ۔