05 November 2016 - 08:45
News ID: 424269
فونت
آئی جی سندھ پاکستان:
سندھ پولیس کے ترجمان نے کہا : چہلم حضرت امام حسین کے حوالے سے اسنیپ چیکنگ پوائنٹس اور پیٹرولنگ کے عمل میں باالخصوص مساجد امام بارگاہوں وغیرہ کے علاوہ مرکزی شاپنگ سینٹرز، مارکیٹوں، صنعتی وتجارتی زونز اور پرہجوم پبلک مقامات اور اہم تنصیبات و عمارتوں کو لازمی طور پر فوکس کیا جائے ۔
اے ڈی خواجہ

 

رسا نیوز ایجنسی کی رپورٹ کے مطابق، سندھ پولیس کے ترجمان آئی جی سندھ اے ڈی خواجہ نے تمام ڈی آئی جیز کو جاری رہنما ہدایات میں کہا ہے کہ چہلم حضرت امام حسین (ع) کے موقع پر متعلقہ اضلاع کے لحاظ سے غیرمعمولی سیکیورٹی اقدامات پر مشتمل کنٹی جینسی پلان ترتیب دیکر برائے ملاحظہ و مزید ضروری اقدامات ارسال کیا جائے، قبل ازیں پاکستان رینجرز سندھ اور دیگر قانون نافذ کرنیوالے اداروں سے روابط کو ممکن بنایا جائے تاکہ سیکیورٹی کے مجموعی امور پر عمل درآمد کے تحت تمام مجالس، جلوسوں سمیت مرکزی اجتماع گاہوں پر اور دیگر مقامات پر عوام کے جان ومال کے تحفظ کو یقینی بنایا جاسکے۔

ترجمان سندھ پولیس کے مطابق آئی جی سندھ نے کہا : تمام تھانہ جات سندھ اور بالخصوص کراچی کی سطح پر بعد مغرب روزانہ کی بنیاد پر دو گھنٹے اسنیپ چیکنگ کو یقینی بنایا جائے اور اس سلسلے میں تھانہ ٹو تھانہ مربوط روابط اور ممکنہ جرائم کے حوالے سے معلومات کی شیئرنگ لازماّ کی جائے تاکہ فوری کاروائیوں کی بدولت جرائم پیشہ عناصر کو رنگے ہاتھوں گرفتار کیا جاسکے۔

انہوں نے کہا : علاقوں میں انٹیلی جینس بڑھانے کے ساتھ ساتھ موبائل، موٹر سائیکل گشت، داخلی و خارجی پوائنٹس پر پکٹنگ سمیت مرکزی مساجد، امام بارگاہوں، مزارات، درگاہوں کے علاوہ اقلیتی برادری کے مذہبی مقامات پر تمام تر حفاظتی اقدامات کو مزید سخت کیا جائے۔

اے ڈی خواجہ نے کہا کہ اسنیپ چیکنگ پوائنٹس اور پیٹرولنگ کے عمل میں باالخصوص مساجد امام بارگاہوں وغیرہ کے علاوہ مرکزی شاپنگ سینٹرز، مارکیٹوں، صنعتی وتجارتی زونز اور پرہجوم پبلک مقامات اور اہم تنصیبات و عمارتوں کو لازمی طور پر فوکس کیا جائے۔/۹۸۸/ن۹۴۰

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬