رسا نیوز ایجنسی کی رپورٹ کے مطابق، ہمارے نمائندے نے رپورٹ دی ہے کہ بالفور اعلامیے کے خلاف احتجاج کرنے والے فلسطینیوں نے شہر رام اللہ کے مرکزی علاقے سے برطانوی قونصل خانے کی جانب مارچ کیا۔
اسی طرح کے احتجاجی مظاہرے مشرقی بیت المقدس اور غزہ میں بھی کئے گئے۔
درین اثنا فلسطین کی اسلامی مزاحمتی تحریک حماس کے سربراہ اسماعیل ہنیہ نے غزہ میں بالفور اعلامیے کی مذمت میں ہونے والی ایک نشست میں اعلان کیا ہے کہ تحریک حماس، اسرائیل کو ہرگز تسلیم نہیں کرے گی اور نہ ہی وہ سرزمین فلسطین کے کسی بھی علاقے سے چشم پوشی کرے گی۔
انھوں نے تاکید کے ساتھ کہا فلسطینیوں کی، ان کے آبائی وطن فلسطین واپسی تک جدوبہد بدستور جاری رہے گی اور اس مہم کے سلسلے میں تحریک حماس نےاسلامی جمہوریہ ایران، مصر، قطر اور ترکی کے ساتھ سیاسی گفتگو جاری رکھنے کے لئے دروازے کھلے رکھنے کا فیصلہ کیا ہے۔
واضح رہے کہ بالفور اعلامیہ فلسطینی علاقوں میں غاصب صیہونی حکومت کی تشکیل کا باعث بنا تھا۔/۹۸۸/ ن۹۴۰