08 October 2016 - 16:34
‫نیوز‬ ‫کوڈ‬: 423709
فونت
یمن کی عوامی تحریک انصاراللہ کے ترجمان نے کہا ہے کہ جنگ بندی سے متعلق اقوام متحدہ کی تجویز میں یمن پر ہونے والے تمام فضائی، زمینی اور سمندری حملوں اور یمن کے محاصرے کے خاتمے کا موضوع شامل ہونا چاہئے۔
محمد عبد السلام

رسا نیوز ایجنسی کی رپورٹ کے مطابق، یمن کی عوامی تحریک انصاراللہ کے ترجمان محمد عبدالسلام نے جمعے کے دن یمن میں بہتّر گھنٹوں کی جنگ بندی پر مبنی اقوام متحدہ کی تجویز کے بارے میں اپنا رد عمل ظاہر کرتے ہوئے کہا کہ اقوام متحدہ کی جانب سے پیش کی جانے والی جنگ بندی کی تجویز میں تمام فوجی کارروائیوں اور یمن کے فضائی محاصرے کے خاتمے کا موضوع بھی شامل ہونا چاہئے اور اس کے نتیجے میں یمن کے دارالحکومت صنعا کی جانب پروازوں کا از سر نو آغاز ہو جانا چاہئے۔

محمد عبدالسلام نے اس بات کو بیان کرتے ہوئے کہ حملوں اور محاصرے کا خاتمہ یمنی عوام کے مطالبات میں شامل ہے کہا کہ جنگ بندی ہمہ گیر اور مکمل طور پر ہونی چاہئے۔

یمن کی عوامی تحریک انصار اللہ کے نمائندے نے مزید کہا کہ ولد الشیخ کی جانب سے پیش کی جانے والی تجویز اس سلسلے میں ہونے والے سمجھوتے کے مطابق ہمہ گیر نہیں ہے۔

واضح رہے کہ یمن کے امور میں اقوام متحدہ کے خصوصی ایلچی اسماعیل ولد الشیخ نے جمعے کے دن عمان کی خبر رساں ایجنسی کو انٹرویو دیتے ہوئے یمن میں بہتّر گھنٹوں کی جنگ بندی پر مبنی اقوام متحدہ کی تجویز کی خبر دی تھی کہ جس میں توسیع بھی ہو سکتی ہے۔/۹۸۸/ن۹۳۰/ک۲۷۱

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬