رسا نیوز ایجنسی کی رپورٹ کے مطابق، ملی یکجہتی کونسل کے ڈپٹی سیکریٹری ثاقب اکبر نے گذشتہ سہ پہر کو اسلام آباد ہوٹل، اسلام اباد پاکستان میں «یوم آزادی پاکستان و یوم القدس» کے عنوان سے منعقد ہونے والے سیمینار سے جو پاکستان کی سیاسی، مذھبی اور دینی شخصیتوں کی موجودگی میں برپا ہوا ، پاکستان کو ریاست مدینہ کا تسلسل جانا ۔
ثاقب اکبر نے یہ کہتے ہوئے کہ ہمارا آج کا پروگرام گذشتہ سال کے پروگرام کا تسلسل ہے جسکی صدارت قاضی حسین احمد مرحوم نے کی تھی کہا: ملی یکجہتی کونسل میں شامل 29 تنظیمیں پاکستان میں قاضی صاحب کی وراثت کی امین ہیں اور ان کے نقش قدم پر کاربند ہیں۔
انھوں نے مزید کہا: ہماری نظر میں پاکستان ریاست مدینہ کا تسلسل ہے لھذا تمام ملت پاکستان اس اسلامی مملکت کی قدرداں رہے ۔
ثاقب اکبر نے مسئلہ فلسطین کی اہمیت پر روشنی ڈالتے ہوئے کہا : فلسطینی آج ظلم و استبداد کی چکی تلے پس رہے ہیں اس سرزمین اور وہاں بسنے والے افراد کے دفاع کے لئے جہاد فرض ہے تاہم آج مسلم امہ اس اہم فریضے سے غافل ہے۔